Aesop Illustrations: Croxall (1814)

These illustrations come an 1814 edition of Croxall's Aesop (online at the International Children's Digital Library). The images are clearly inspired by Francis Barlow. Click here for more illustration slideshows.

Here is the 1814 slideshow (apologies to iPad users - the Flickr.com slideshows are Flash-based, but you can view the Flickr album directly if the slideshow does not work):

Aesop Illustrations: Aunt Louisa

These illustrations come Aunt Louisa's Oft Told Tales (online at the International Children's Digital Library), published sometime in the 1870s. Click here for more illustration slideshows.

Here is the Aunt Louisa slideshow (apologies to iPad users - the Flickr.com slideshows are Flash-based, but you can view the Flickr album directly if the slideshow does not work):

Aesop Illustrations: Weir Favorites

These illustrations come from an 1870 edition of Favorite Fables in Prose and Verse (online at the International Children's Digital Library). The illustrations are based on earlier drawings by Harrison Weir. Click here for more illustration slideshows. You can see Harrison Weir's own illustrations in another slideshow.

Here is the Weir Favorites slideshow (apologies to iPad users - the Flickr.com slideshows are Flash-based, but you can view the Flickr album directly if the slideshow does not work):

Aesop Illustrations: Salomon 1554

You can learn more about Bernard Salomon's Aesop illustrations at the Studiolo website. This set of illustrations comes from a 1554 edition of Aesop's fables at the International Children's Digital Library. Click here for more illustration slideshows, including another Salomon slideshow (black and white).

Here is the Salomon 1554 slideshow (apologies to iPad users - the Flickr.com slideshows are Flash-based, but you can view the Flickr album directly if the slideshow does not work):

Aesop Illustrations: 1616 Aesop

You can see this 1616 Greek and Latin edition of Aesop at the International Children's Digital Library. Click here for more illustration slideshows.

Here is the 1616 slideshow (apologies to iPad users - the Flickr.com slideshows are Flash-based, but you can view the Flickr album directly if the slideshow does not work):

Aesop Illustrations: Bewick's Select Fables

You can see this 1871 edition of Bewick's Select Fables of Aesop, 1871, at the International Children's Digital Library, and you can read about Thomas Bewick's life and his career as an engraver in this Wikipedia article. Click here for more illustration slideshows. You can also see the slideshow for Bewick's Fables of Aesop, too!

Here is the Bewick slideshow (apologies to iPad users - the Flickr.com slideshows are Flash-based, but you can view the Flickr album directly if the slideshow does not work):

Aesop Illustrations: Scudder (1919)

These illustrations are from Horace Scudder's Book of Fables and Folk Stories (1919), which you can find online at the Internet Archive. Although the artist's name is not given, the preface to this edition of the book notes that it contains new illustrations, replacing the illustrations in older editions of the book. Click here for more illustration slideshows.

Here is the Scudder slideshow (apologies to iPad users - the Flickr.com slideshows are Flash-based, but you can view the Flickr album directly if the slideshow does not work).

Illustrated: Vipera et Auceps

623. Vipera et Auceps. Venator quidam, sumpto visco et harundinibus, venatum exiit. Cum autem turdum procera in arbore considentem vidisset, calamis inter se in longitudinem iunctis, oculos ad eum levabat, ipsum capere exoptans. Interim vero contigit ut viperam, sub pedibus iacentem, nescius premeret. Quae cum exasperata ipsum mormordisset, iamiam ille deficiens, “Me miserum,” inquit, “qui cum alium venari vellem, ab alio ad mortem raptus sum.”

---

Click here for a SLIDESHOW of all the Osius images. The difference here is that this poor birdcatcher is using a snare instead of bird lime and reeds.

---

M0623 Perry115
Read a Fabula Facilis version of this fable.

Illustrated: Vitis et Hircus

735. Vitis et Hircus. Cum vitis pampinos ederet, eos arrodebat hircus. Quod dum faceret, ita eum increpat vitis, “Cur tu mea folia carpis? Nonne satis superque herbarum?” Cum autem vitem depascere pergeret hircus, “Quantum potes,” inquit vitis, “mihi noceto; ego tamen vini tantum tulero, quantum, te mactato, ad libandum diis satis fuerit.”

---

Click here for a SLIDESHOW of all the Tenniel-Wolf images.

---

M0735 Perry374
Read a Fabula Facilis version of this fable.

Illustrated: Viatores Iuxta Maris Litus

921. Viatores Iuxta Maris Litus. Viatores quidam, iuxta maris litus iter agentes, cum in editum quemdam locum pervenissent ex eoque sarmenta procul natantia vidissent, navem magnam esse arbitrati, restiterunt ut tandem appelleret exspectantes. At sarmenta a vento acta cum propius accederent, haud navem amplius, sed scapham aspicere existimabant. Illa vero ad litus denique delata, ubi sarmenta esse cognovere, “O quam frustra,” alter alteri aiebat, “quod nihil erat, exspectabamus.”

---

Click here for a SLIDESHOW of all the Medici Aesop images.

---

M0921 Perry177

Illustrated: Carbonarius et Fullo

863. Carbonarius et Fullo. Carbonarius, qui spatiosam habebat domum, invitavit fullonem ut ad se commigraret. Ille respondit, “Quaenam inter nos esse possit societas, cum tu vestes, quas ego nitidas reddidissem, fuligine et maculis inquinaturus esses?”

---

Click here for a SLIDESHOW of all the Salomon images.

---

M0863 Perry029

Illustrated: Auceps et Fringilla

846. Auceps et Fringilla. Auceps tetenderat volucribus retia largamque illis in area effuderat escam, pascentes tamen aves non capiebat, quia sibi videbantur paucae. Quibus pastis ac avolantibus, aliae pastum adveniunt quas quoque propter paucitatem capere neglexit. Hoc per totum diem ordine servato, ac aliis advenientibus, aliis abeuntibus, illo semper maiorem praedam exspectante, tandem advesperascere coepit. Tunc auceps, amissa spe multas capiendi, cum iam tempus esset quiescendi, attrahens retia, unam tantum fringillam, quae infelix in area remanserat, cepit. Haec fabula indicat qui omnia comprehendere volunt, saepe pauca vix capere posse.

---

Click here for a SLIDESHOW of all the Bewick images. Although this illustration was not intended to accompany this particular fable, I think it makes a good match!

---

M0846 (not in Perry)

Illustrated: Rubus et Arbores

730. Rubus et Arbores. Punica et malus arbores, de pulchritudine contendentes, in graves inimicitias et simultates inciderant, continuis sese conviciis mutuo exagitantes. Audiebat dissidentes rubus et, praeclaras arbores mutua sese lacerare ac proscindere maledicentia deplangens, accessit ad eas, modum reconciliationis si posset, positurus. “Nunquid satis,” inquit, “et plusquam satis decertatum est inter vos? Si vos, frugiferae et humano generi tam utiles, vos ipsas proscinditis, quid facient inimici vestri?” His et aliis in concordiam redeuntes, rubo gratias egerunt, inter se agnoscentes opem consiliumque vel ex humillimis et nullius momenti personis exspectari posse ac recipi, quia amicus nullus aestimandus est parvus.

---

Click here for a SLIDESHOW of all the Medici Aesop images.

---

M0730 Perry213

Illustrated:Rusticus et Coluber

829. Rusticus et Coluber. Rusticus repertum in altiori nive colubrum, frigore prope enectum, domum tulit et ad focum adiecit. Coluber, ab igni vires virusque recipiens et non amplius flammam ferens, totum tugurium sibilando infecit. Accurrit rusticus et, correpta sude, verbis verberibusque cum eo iniuriam expostulat, “Num haec est quam retulit gratia, eripiendo vitam illi cui vitam debuit?”

---

Click here for a SLIDESHOW of all the Barlow images.

---

M0829 Perry176

Illustrated: Fortuna et Agricola

814. Fortuna et Agricola. Qui terram colebat, cum agrum foderet, aurum forte reperit. Memor igitur beneficii, ut a Terra in se collati, et gratus, hanc quotidie sertis redimire solebat. Ergo Fortuna aliquando accedens ad illum, “Cur acceptum refers,” inquit, “Terrae, quod tibi ego tribui, cum statuissem te divitiis augere? Nam sorte, si ita cadat, mutata et auro delato ad alios, satis scio te non Terram, sed Fortunam accusaturum esse.”

---

Click here for a SLIDESHOW of all the Medici Aesop images.

---

M0814 Perry061

Illustrated: Fur et Puer

910. Fur et Puer. Puer sedebat, flens, apud puteum. Fur causam flendi rogat; puer dicit, fune rupto, urnam auri incidisse in aquas. Homo se exuit, insilit in puteum, quaerit. Vase non invento, conscendit atque ibi nec invenit puerum, nec suam tunicam, quippe puer, tunica sublata, fugerat. Interdum falluntur, qui solent fallere.

---

Click here for a SLIDESHOW of all the colored Steinhowel images.

---

M0910 Perry581

Illustrated: Pulex et Homo

702. Pulex et Homo. Pulex hominem momordit at extemplo comprensus fuit. “Oro,” ait, “ut me mittere velis, bestiolam tam minutam, tam levis punctus ream.” At ille renuit et, hostem enecans, “Doceantur,” inquit, “ceteri tui similes quam periculosum sit illos pungere quorum digitulis facile opprimi possunt.”

---

Click here for a SLIDESHOW of all the Arthur Rackham images.

---

M0702 Perry272

Illustrated: Saga Damnata

889. Saga Damnata. Quaedam mulier, non modicum ex suis divinationibus et mendaciis quaestum captans apud imperitam plebem, promittebat deorum iras in se infensorum suis artibus placaturam. Contigit ut ipsa impietatis apud iudices postularetur eorumque iudicio damnata, ad patibulum duceretur. Cui plebs, “O insanam mendacemque creaturam! Tu, quae nuper caelestium iram a plebe avertere profitebaris, humanam in te mutare nec lenire potuisti?”

---

Click here for a SLIDESHOW of all the Medici Aesop images. This artist imagines she is a real witch; you can see her making a pact with the devil off to the left.

---

M0889 Perry056

Illustrated: Cocleae et Puer

645. Cocleae et Puer. Torrebat puer rusticus cocleas quibus, ad prunas stridentibus, “Sceleratae,” inquit, “animantes, potestis canere, cum urantur domus vestrae?”

---

Click here for a SLIDESHOW of all the Medici Aesop images.

---

M0645 Perry054

Illustrated: Fur et Mater Eius

911. Fur et Mater Eius. Quidam puer in schola, libellum furatus, suae attulit matri. A qua non castigatus, quotidie furabatur magis atque magis; progressu autem temporis, maiora furari coepit. Tandem a magistratu deprehensus, ducebatur ad supplicium. Matre vero sequente ac vociferante, ille rogavit ut sibi liceret paulisper cum ea loqui ad aurem. Illo permisso et matre properante et aurem admovente ad filii os, dentibus suis matris auriculam evulsit. Cum mater et ceteri qui adstabant eum increparent, non modo ut furem, sed etiam ut impium in parentem suam, inquit, “Haec causa fuit exitii mei. Etenim si me castigasset prius ob libellum quem furatus sum, nil fecissem ulterius; nunc ducor ad supplicium.”

---

Click here for a SLIDESHOW of all the Medici Aesop images.I like the way this shows both stages of the story - the young boy on the left, and the grown-up thief on the right.

---

M0911 Perry200

Illustrated: Vetula Lac ad Forum Portans

859. Vetula Lac ad Forum Portans. Vetula, dum in urceo ad forum lac portaret, coepit cogitare quomodo posset fieri dives. Attendens autem quod de suo lacte tres obolos habere posset, coepit cogitare quod emeret pullum gallinae et nutriret, ex cuius ovis multos pullos acquireret; quibus venditis, emeret porcum; quo nutrito et impinguato, venderet illum ut inde emeret pullum equinum, et tam diu nutriret ipsum quod aptus esset ad equitandum, et coepit intra se dicere, “Equitabo equum illum, et ducam ad pascua et dicam, ei, io, io.” Cum autem haec cogitaret, coepit movere pedes et, quasi calcaria in pedibus haberet, coepit talos movere et prae gaudio manibus plaudere; ita quod motu pedum et plausu manuum urceum fregit et, lacte in terra effuso, in manibus suis nihil invenit.

---

Click here for a SLIDESHOW of all the Grandville images. Admittedly, she does not look very old in this picture, even though this version of the Latin fable describes her as being a little old woman!

---

M0859 (not in Perry)

Illustrated: Citharoedus Imperitus

865. Citharoedus Imperitus. Citharoedus quidam, non satis eruditus, in cubiculo ut solebat canens, sua inibi voce resonante, valde se canorum esse putabat. Quapropter animo elatus, theatro iam se committere voluit. Sed ubi in conspectum prodiit, cum pessime cantasset, eum spectatores lapidibus iactis e scena abegerunt. Fabula ostendit ita quoque nonnullos rhetorum, qui in scholis aliquid esse videntur, cum ad res publicas agendas se conferunt, nullius pretii esse.

---

Click here for a SLIDESHOW of all the Medici Aesop images. You need to read this image from right to left, as often in the Medici panels.

---

M0865 Perry121

Illustrated: Aegrotus et Uxor Eius

902. Aegrotus et Uxor Eius. Aegrotabat pauper et in morbi gravissimo periculo, cum a medicis desperasset, ad opem Deorum confugit, quibus se, si convaluisset, centum tauros immolaturum esse promisit. Haec uxor illius, ut prope astabat, cum audisset, “Unde, mi vir, tantum,” inquit, “numerum taurorum parare possis, si voti convictus sis?” At ille, “Quid tu, censesne,” inquit, “stulta, caelo descensurum qui illud sacrificium fieri postulet, si ego sanitatem recuperavero?”

---

Click here for a SLIDESHOW of all the Medici Aesop images.

---

M0902 Perry034

Illustrated: Venator Meticulosus

847. Venator Meticulosus. Leonis indagans vestigia, venator lignatorem rogavit an leonis vestigia et latibula nosset. Respondit ille, “Et ipsum quoque leonem, si lubet, indicabo.” Sed venator, metu pallescens, dentibus crepitans, “Vestigia tantum,” ait, “non leonem quaero.” Audaces una et timidos carpit haec fabula, audaces nempe verbis, sed non factis.

---

Click here for a SLIDESHOW of all the Grandville images.

---

M0847 Perry326

Illustrated: Muscae et Mel

681. Muscae et Mel. Ad mel, profusum in cella quadam, advolantes, muscae illius dulcissimo succo iucundissime pascebantur. Sed iam saturae, cum avolare vellent, pedibus nitentibus, etiam alis in tenace liquore haerentibus, moriturae, “O miserae,” inquiunt, “quantillus nobis cibus interitum attulit.”

---

Click here for a SLIDESHOW of all the Medici Aesop images.

---

M0681 Perry080

Illustrated: Piscatores et Piscis Insperatus

852. Piscatores et Piscis Insperatus. Piscatores, iactis in mari retibus, diu multumque fatigati, nil ceperant. Et iam taedio, labore, ac desperatione victi, abire decreverant, Fortunam incusantes, cum, insperato, piscis immanis, ab alio actus, in ipsam piscatorum tristium scapham insilit, quem hi, supra modum laetantes, comprehendunt et Fortunae Deae acceptum referunt, quod ars diu tentata negaverat.

---

Click here for a SLIDESHOW of all the Medici Aesop images.

---

M0852 Perry021

Illustrated: Momus Iudex

802. Momus Iudex. Iovem Neptunumque et tertiam insuper Minervam contendisse ferunt inter se quis pulchram aliquam rem faceret. Facit Iuppiter animal pulcherrimum, hominem; Pallas hominibus domum; Neptunus taurum. Iudicem sibi Momum elegerunt (adhuc enim inter Deos habitabat) qui, prae nativa indole cunctos odio prosequens, principio statim taurum culpavit quod oculis inferiora non gestaret cornua - ita enim recte cernens iceret; hominem, quod pectus illi non esset valvis instructum et adapertile ut proximum inspiceret quid agat consilii; domum, quod ferreae fundamentis non subiicerentur rotae, aliis idoneae locis permutandis, cum domini abirent peregre. Tenta facere aliquid, nec iudex sedeat invidia; Momo nil omnino placitum est.

---

Click here for a SLIDESHOW of all the 1590 Aesop images.

---

M0802 Perry100

Illustrated:. Vir et Vas Melle Plenum

858. Vir et Vas Melle Plenum. Quidam vas melle plenum supra suum lectum suspendit. Tum ille, uno die accubans, supraque se appensum vasculum intuens, rationem computabat quanti venire posset vasculum posuitque tanti quanti oves duae emerentur. “Et illae,” inquit, “oves binae binas alias parient, tum deinde quarternas quattuor et mox octonas octo.” Pergensque hoc modo ad magnum pervenit gregem et ait, “De pretio illarum domum agrosque mihi comparabo; ita tandem uxorem ducam et suscipiam filium. Verum si filius non obtemperarit monitis meis tum ego illum sic,” inquit, arrepto scipione, “sic illum ego verberabo.” Et inter has cogitationes diversas suas, elatum altius scipionem impegit in vasculum, eoque pertuso, effusum defluxit in stragula mel, hicque consiliorum tam splendidorum fuit exitus: carere ut homo melle, et eluere stragula cogeretur.

---

Click here for a SLIDESHOW of all the images from the 1484 Directorium Humanae Vitae.

---

M0858 (not in Perry)

Illustrated: Mercator et Mures Aes Erodentes

855. Mercator et Mures Aes Erodentes. Deposuerat mercator apud hospitem suum magnum pondus aeris. Venit aliquando et repetit. Ille mures erosisse dicit. “Dii boni,” mercator dicit, “quid narras? Sed bene habet, quod evasisti voracitatem ipsorum.” Dum discedit mercator, filium hospitis sui, ante aedes discurrentem absque custode, abducit. Postero die, offert se conspectui hospitis, qui apud illum conquerebatur et deplorabat amissionem filii sui. Tum mercator “Ego heri,” inquit, “non procul ab aedibus tuis puerum vidi raptum a corvo auferri.” “A corvo,” exclamat ille, “puerum auferri? Quis tam validus corvus esse potuit?” Ibi mercator “Qua in terra,” inquit, “mures aes erodunt, in ea verisimile est reperiri corvos qui pueros rapiant.” At hospes, se suis artibus petitum sentiens, pollicetur se pretium aeris persoluturum rogatque mercatorem puerum sibi ut restituat.

---

Click here for a SLIDESHOW of all the Grandville images.

---

M0855 (not in Perry)

Illustrated: Viatores Duo et Latro

918. Viatores Duo et Latro. Cum viatores duo simul iter faciunt, unus marsupium reperit, aureis plenum. “Eia,” inquit alter, “in commune!” Sed ille negat se ullam lucri partem posse dare, et contendit iure totum uni sibi reservandum, cum ipse unus sit qui invenerit. Interea latro armatus utrique occurrit. Tunc nummorum possessor “Eia,” ait, “dexteram confer vimque vi repellamus; unus duos non vincet.” At comes pauper retulit, “Non tanti est; quid enim hic mihi vacuo abripere possit? Sed tu, qui solus bonum habere volueris, iure solus malum nunc feres.”

---

Click here for a SLIDESHOW of all the Milo Winter images.

---

M0918 (not in Perry)
Read a Fabula Facilis version of this fable.

Illustrated: Fures et Coquus

904. Fures et Coquus. Duo adolescentes apud coquum aliquid sese simulant esse empturos. Coquo alias res agente, carnem alter surripit; dat socio ut sub veste occultet. Coquus, surreptam sibi carnis partem ut novit, furti utrumque coepit accusare. Qui carnem sustulerat, per Iovem iurabat se non habere; qui vero habebat, iurabat se non abstulisse. “Me quidem,” inquit coquus, “fur latet; non autem eum latebit per quem iuravistis.”

---

Click here for a SLIDESHOW of all the Medici Aesop images.

---

M0904 Perry066

Aesop Illustrations: Baby's Book of Fables

These illustrations are from an anonymous book entitled Baby's Book of Fables, published in 1880, which you can find online at the Internet Children's Digital Library. Click here for more illustration slideshows.

Here is the Baby's Book slideshow (apologies to iPad users - the Flickr.com slideshows are Flash-based, but you can view the Flickr album directly if the slideshow does not work):

Illustrated: Mors et Senex

818. Mors et Senex. Senex quidam Mortem, quae eum e vita raptura advenerat, rogabat, ut paululum differret, dum testamentum conderet et cetera ad tantum iter necessaria praepararet. Cui Mors “Cur non,” inquit, “hactenus praeparasti, toties a me admonitus?” Et, cum ille eam numquam a se visam amplius diceret, “Cum,” inquit, “non aequales tuos modo quorum nulli fere iam restant, verum etiam iuvenes, pueros, infantes quotidie rapiebam, non te admonebam mortalitatis tuae? Cum oculos hebescere, auditum minui, ceterosque sensus in dies deficere, corpus ingravescere sentiebas, nonne tibi me propinquam esse dicebam? Et te admonitum negas? Quare ulterius differendum non est.”

---

Click here for a SLIDESHOW of all the Grandville images.

---

M0818 (not in Perry)

Illustrated: Iuppiter et Olitoris Asinus

769. Iuppiter et Olitoris Asinus. Asinus olitoris, aegre sustinens laborem quo herus eum premebat, conqueritur de eo apud Iovem; supplicat alium sibi dari. Exaudit Iuppiter; iubet figulo veneat. Mutatur herus, sed non minuitur labor; immo augescit; semper lutum, tegulae, lateres, imbrices, dorso portandae. Iterum ad Iovem; Iuppiter, oratoris importunitate victus, dat coriarium. Statim expertus eum, omnibus quos unquam habuerat longe crudeliorem, apud se lamentans dicebat, “Heu me miserum, ut omnia mihi in deterius cedunt. Nam in eum incidi dominum, qui vivo non parcit, nec mortuo; ipse enim ubi corpus meum flagris exhauserit, in fine excoriabit.”

---

Click here for a SLIDESHOW of all the Croxall images.

---

M0769 Perry179

Illustrated: Piscator Aquam Verberans

850. Piscator Aquam Verberans. Piscator in fluvio quodam piscabatur. Extensis autem retibus et fluxu comprehenso utrinque, funi alligato lapide, aquam verberabat ut pisces, fugientes incaute, in retia inciderent. Cum quidam vero ex iis qui circa locum habitabant id eum facere videret, increpabat utpote fluvium turbantem et claram aquam non sinentem bibere. Et is respondit, “Sed nisi sic fluvius perturbetur, me oportebit esurientem mori.”

---

Click here for a SLIDESHOW of all the images from this edition of Croxall's Aesop.

---

M0850 Perry026

Illustrated: Membra et Venter

751. Membra et Venter. Membra quondam dicebant ventri, “Nosne te semper ministerio nostro alemus, dum tu summo otio frueris? Hoc non diutius faciemus.” Dum igitur ventri cibum subducunt, corpus debilitatum est, et membra sero invidiae suae paenituit.

---

Click here for a SLIDESHOW of all the Tenniel-Wolf images.

---

M0751 Perry130

Illustrated: Arbores et Homo

725. Arbores et Homo. Securis cum facta esset, homo postulabat ab arboribus ut illi manubrium darent de ligno quod firmum esset. Quo facto, homo manubrium sumpsit, et, aptata securi, ramos ac robora magna et omnia quae voluit incidit. Tunc fraxino quercus ait, “Digne et bene patimur, qui roganti hosti nostro, ut caeci, manubria dedimus.” Ideo quis ante cogitet, ne hosti aliqua arma praestet.

---

Click here for a SLIDESHOW of all the Crane images.

---

M0725 Perry302
Read a Fabula Facilis version of this fable.

Illustrated: Apollo et Vir Facinorosus

798. Apollo et Vir Facinorosus. Quidam vir facinorosus se contulit Delphos, tentaturus Apollinem, sub pallio habens passerculum quem pugno suo tenebat. Et accedens ad tripodas, eum interrogabat, dicens, “Quod in mea dextra habeo, vivitne, an est mortuum?” (prolaturus passcerculum vivum, si ille respondisset mortuum; rursus prolaturus mortuum, si respondisset vivum, etenim statim eum occidisset clam sub pallio priusquam proferret). At Deus, hominis calliditatem subdolam intellegens, dixit, “O consultor, utrum mavis facere facito - etenim est penes te - et proferto sive vivum, sive mortuum, quod habes in tuis manibus.” Haec fabula innuit nihil latere neque fallere mentem divinam.

---

Click here for a SLIDESHOW of all the Medici Aesop images.

---

M0798 Perry036

70. Vulpes, Lupus, et Caseus

70. Vulpes, Lupus, et Caseus. Dum putei liquor placidus lunae plenae simulacra speculo suo redderet, vulpes ieiuna illuc forte accessit, victum quaeritans; fames malesuada eam perpulit ut caseum pinguem super summis aquis innatare crederet. Vulpes ergo, cum itus facilis esset situlis duobus qui vices alternabant, in situlum ad marginem elatum sese iniicit. Sed sic delapsa, mox errorem suum luget et se perituram deputat. Iam biduum consumptum erat cum lupus tandem advenit. Quem vulpes conspicata, “In situlum,” ait, “te cito immitte; caseus opimus hic mihi repertus est. Comedi quantum cupiditas mea voluit; nunc satura, cogor hunc caseum deserere, sic abrasum, ut vides,” luna scilicet decreverat, et simul lunae imago. Lupus credulus obsequitur; sursum propellit vulpem et, parum anxia quid lupo fieret, vado haerentem liquit.

---

Click here for a SLIDESHOW of all the Grandville images.

---

M0070 (not in Perry)

Illustrated: Cancer et Serpens

587. Cancer et Serpens. Serpens una cum cancro societate iuncta vivebat. Porro cancer, cum simplex moribus esset, serpentem ut is quoque astutiam suam exueret admonebat. At ille minime obsequebatur. Cancer itaque, cum dormientem vidisset, quanta vi poterat compressum chelis occidit. Serpens ita necatus, cum humi porrectus iaceret, “Hoc modo,” cancer ait, “et rectum et simplicem antea te esse oportebat; non enim hanc poenam dedisses.”

---

Click here for a SLIDESHOW of all the Medici Aesop images.

---

M0587 Perry196

Illustrated: Pulex, Homo, et Hercules

703. Pulex, Homo, et Hercules. Cum insiluisset pulex in pedem cuiusdam, ille ad opprimendum hunc Herculem invocavit. Sed cum pulex se illinc mox saltu subduxisset, cum gemitu ille “Hercules,” inquit, “quid ego abs te opis in magnis periculis exspectem, qui contra pulicem adesse mihi noluisti?”

---

Click here for a SLIDESHOW of all the Medici Aesop images.

---

M0703 Perry231

Illustrated: Mercurius et Tiresias

787. Mercurius et Tiresias. Mercurius, scire volens an Tiresiae vaticinandi ars vera esset, ruri boves eius furatus, et urbem, formam hominis gerens, ingressus, apud illum hospitii causa divertit. Cum interim amissos fuisse boves Tiresiae nuntiatum esset, ipse statim, aliquod de fure augurium capturus, Mercurio comite, domo egreditur eumque simul rogat ut, si quam avem praetervolantem videret, admoneat. Mercurius igitur aquilam primum a sinistra ad dexteram devolantem observasse se ait, sed Tiresias nihil eam sua interesse respondit. Deinde Mercurius cornicem in arbore insidentem adspexit quae oculos modo in caelum elevabat, modo humi vertebat; idque simul vati indicavit. Qui, statim respondens, “Mehercle, ista cornix,” ait, “per caelum terramque iurans, affirmat quod, si tu velis, amissos boves recepero.”

---

Click here for a SLIDESHOW of all the Medici Aesop images.

---

M0787 Perry089

Illustrated: Musca et Quadrigae

680. Musca et Quadrigae. Quadrigae in stadio currebant, quibus musca insidebat. Maximo autem pulvere, tum equorum pedum pulsu, tum rotarum volutatione, exorto, dicebat musca, “Quam magnam vim pulveris excitavi!”

---

Click here for a SLIDESHOW of all the 1590 Aesop images.

---

M0680 Perry724
Read a Fabula Facilis version of this fable.

Illustrated: Medicus et Vetula

898. Medicus et Vetula. Vetula mulier, oculorum morbo laborans, medicum quemdam, ut eam curaret, accersivit et ingentem mercedem se daturam promisit si oculorum vitio sanaret; contra vero, si nil efficeret, nec minimum quid praebituram. Hoc itaque pacto, quoties medicus ad eius oculos medendos veniebat, semper aliquid ei furabatur. Cum illam egregie sanasset, pactam sibi mercedem postulavit. Sed vetula continuo differt, et medicus in ius denique ante magistratus eam rapit. Quorum in conspectu stans ait, “Fateor me ei mercedem, si bene visum recuperassem, promisisse; sin minus, me nihil omnino daturam. Ac iste iactat me esse curatam; ego vero adfirmo contrarium me pati. Nam quando oculis laborabam, meas tunc opes omnemque supellectilem domi esse videbam; sed nunc, me videre ipso dicente, nil prorsus domi cernere possum.”

---

Click here for a SLIDESHOW of all the Medici Aesop images.

---

M0898 Perry057

Illustrated: Pastor et Rex

840. Pastor et Rex. Pastor beatus magnum ovium gregem regebat, cuius cum prudentiam cognovisset, rex hunc regni administrum fecit. Ille laudes domini simul populique tulit, at livor malignus principes impulit ut insusurrarent pastorem furtis ditari et pecuniam publicam corradere; arcam visam fuisse in eius cubiculi, clausam sedulo; illic scilicet opes raptas recondi. Rex arcam recludi iubet. Ille “Magne rex,” inquit, “crede innocenti; ultra ne inquire.” Sed cum nihil proficeret, ipse arcam recludit simulque proferens singula: cucullum scilicet pastorium, sagumque rusticum, et panarium et pedum et fistulam. “Thesaurus en,” inquit, “meus. Hunc olim amare solitus, hoc uno frui deinde volo; forsan malevoli invidere desinent.” Rex gemit et “Amice,” ait, “ne me amicum miserum desere.” At ille durus fugit, et ad oves suas redit.

---

Image Source: Gustave Dore.

---

M0840 (not in Perry)

Illustrated: Lupus et Pastorum Convivium

---

M0083 - M0084 - M0085

---

84. Lupus et Pastorum Convivium. Pastores, caesa ove, convivium celebrabant. Quod cum lupus cerneret, “Ego,” inquit, “si agnum rapuissem, quantus tumultus fieret, at isti impune ovem comedunt!” Tum unus illorum “Nos enim,” inquit, “nostra, non aliena, ove epulamur.”

---

Click here for a SLIDESHOW of all the Grandville images.

---

M0084 = Perry453. Source: Jacobs & Doering 17. This is Perry 453. Compare the fable of the fox and the women, #54. Read a Fabula Facilis version of this fable.

Illustrated: Dives et Thesaurus Eius

990. Dives et Thesaurus Eius. Vir quidam admodum dives, thesaurum in silva infoderat, nemine praeter compatrem cui plurimum fidebat conscio. Sed cum paucis post diebus ad eum visendum accessisset, reperit effossum atque ablatum. Suspicatus igitur id quod erat a compatre sublatum, eum conveniens, “Volo,” inquit, “compater mi, mille aureos, ubi thesaurum abdidi, adhuc infodere.” Compater, cupiens plura lucrari, retulit reposuitque thesaurum. Quem cum verus dominus paulo post accedens reperisset, secum domum tulit, conveniensque compatrem, inquit, “Fidefrage, ne sumas inanem laborem, ut ad thesaurum accedas; amplius enim non invenies.” Fabula indicat quam facile sit virum avarum spe pecunia decipere.

---

Click here for a SLIDESHOW of all the Grandville images.

---

M0990 (not in Perry)

Illustrated: Pisces, Magni et Minuti

581. Pisces, Magni et Minuti. Piscator sagenam, quam recens iecerat, extraxit. Obsonii autem erat varii referta. Ast piscium minutus quisque effugit in altum, e rete clam elapsus multiforo, dum captivus quicumque magnus in navicula iacuit extentus. Salus fit quodammodo et malorum effugium parvitas; qui autem magnus est opinione vulgi, eum raro videbis periculum effugere.

---

Click here for a SLIDESHOW of all the images from the 1484 Directorium Humanae Vitae.

---

M0581 Perry282
Read a Fabula Facilis version of this fable.

Illustrated: Nux Secundum Viam Sata

717. Nux Secundum Viam Sata. Nux, secundum viam sata, plurimum ferebat fructus. Cum autem a populo praetereunte saxis et fustibus impeteretur, ut iuglandes decidentes carperent, “Me infelicem,” exclamabat, “cui gratias tam acerbas referunt ob fructus iucundos quos ex me percipiunt.”

---

Click here for a SLIDESHOW of all the Alciato images.

---

M0717 Perry250
Read a Fabula Facilis version of this fable.

Illustrated: Gallus, Canis, et Vulpes

560. Gallus, Canis, et Vulpes. Canis et gallus, iuncta simul amicitia, una iter faciebant. Nocte autem adventante, cum in locum quemdam arboribus consitum pervenissent, gallus, arbore adscensa, in illius ramis consedit; canis vero, in cavo eiusdem ingressus, inferius recubuit. Nocte interim ad occasum vergente, ubi dies albescere coepit, gallus de more cantare incipit. Quem cum vulpes audisset, illuc protinus, eum vorare cupiens, accessit, stansque sub arbore, ita ipsum est adlocuta, “O avis optime, quam perutilis es hominibus! Descende, quaeso, ut simul carmina nocturna canamus, nosque ad invicem oblectemur.” Cui gallus respondens, “Amica,” inquit, “ad radices arboris propius accede, pulsa truncum, ac ianitorem voca.” Persuasa vulpes ad eum vocandum, accessit. Sed canis, repente prosiliens, eam protinus correptam dilaceravit.

---

Click here for a SLIDESHOW of all the Milo Winter images.

---

M0560 Perry252

Illustrated: Pastor et Lupus Familiaris

843. Pastor et Lupus Familiaris. Lupus, ovium gregem sequens, nullum iis damnum inferebat. Pastor itaque primo quidem ab eo, tamquam ab hoste, sibi cavebat metuensque illum attente observabat. Deinde vero, licet continuo sequeretur, cum nihil umquam rapere aggressus esset, tunc pastor, eum custodem potius quam insidiatorem esse ratus, postquam necessitate quadam se in urbem conferre adactus est, relictis ei ovibus discessit. Tum lupus, occasione arrepta, maiorem gregis partem devoravit. Reversus inde pastor, gregisque cladem cernens, “Ego quidem digna patior,” inquit; “quid enim lupo oves credidi?”

---

Click here for a SLIDESHOW of all the Harrison Weir images.

---

M0843 Perr234

Illustrated: Formicae et Cicada

652. Formicae et Cicada. Formicae fruges per hiemem humectatas siccabant. Has adit cicada, esuriens, et rogat paululum cibi ut sibi impertiant. Cui illae, “Aestate,” inquiunt, “quaerere te oportuit.” “Non vacabat,” inquit cicada. “Quid faciebas igitur?” “Cantationibus operam dabam,” inquit. Tum illae, “Si cecinisti,” inquiunt, “aestate, hieme saltato.”

---

Click here for a SLIDESHOW of all the Bennett images.

---

M0652 Perry373
Read a Fabula Facilis version of this fable.

Illustrated: Pastor et Lupi Catuli

842. Pastor et Lupi Catuli. Pastor repertos lupi catulos cura magna educavit, arbitratus, cum adolevissent, non solum oves custodituros suas, sed insuper alias rapientes sibi delaturos. At illi citissime adulti, occasionem nacti, primum ipsius gregem devoravere. Quapropter ingemens, pastor ait, “Merito equidem plector. Quid enim eos iuvenculos adhuc servavi, quos vel adultos necare oportebat?”

---

Click here for a SLIDESHOW of all the Harrison Weir images. Although this was not an illustration intended for this particular fable, I think it fits it very well!

---

M0842 Perry209

Illustrated: Minerva et Olea

792. Minerva et Olea. Divi olim legebant sibi quisque arborem. Quercum sibi legit Iuppiter; myrtus Veneri placuit; laurus Phoebo; Herculi populus. Minerva, rem admirata, “Cur,” inquit, “steriles arbores in tutelam sumitis?” Causam Iuppiter dixit, “Scilicet indignum deo est tutelam suam fructu vendere.” “Mihi quidem,” respondit Minerva, “olea gratior est propter fructum.” Tum Pater deorum atque hominum “O nata,” inquit, “merito sapiens esse diceris. Stulta enim est gloria, nisi id, quo gloriamur, utile est.”

---

Click here for a SLIDESHOW of all the 1590 Aesop images.

---

M0792 Perry508

Illustrated: Cera Lateri Invidens

753. Cera Lateri Invidens. Cera, videns se mollem et tractabilem, nimis dolebat conditionis suae vicem cupiebatque lateris cocti soliditate donari. Quod ut consequeretur, iecit se in fornacem ardentem. Sed, momento liquefacta et igne consumpta, documento fuit quemque in suo statu manere debere nec appetere quod sibi a Natura fuit negatum.

---

Click here for a SLIDESHOW of all the Grandville images.

---

M0753 (not in Perry)

Illustrated: Testudo et Iuppiter

633. Testudo et Iuppiter. Iuppiter, nuptias celebrans, animalia omnia convivio excipiebat. Cum vero sola testudo nimis sero adventasset, Iuppiter, tarditatis causam ignorans, testudinem rogavit quam ob rem cum ceteris ad epulum tempestive non convenisset. Illa autem respondit, “Dilecta domus, optima domus.” Deus, ira percitus, eam ad domum continuo suis humeris circumferendam damnavit.

---

Click here for a SLIDESHOW of all the Aesop 1660 images.

---

M0633 Perry106

Illustrated: Piscator et Calamus

849. Piscator et Calamus. Piscator quidam iuxta maris litus sedit et coepit calamum inflare, putans cantu se pisces facile esse capturum. Cantu verum nil proficiente, calamum deposuit, rete in mare demisit, ac plurimos cepit pisces. Sed cum ex reti pisces extraheret atque eos saltantes videret, ait, “O improba animalia! Dum canebam, saltare noluistis; nunc autem, calamo cessante, saltus datis assiduos.”

---

Click here for a SLIDESHOW of all the colored Steinhowel images. The coloring actually makes this image a bit harder to read: stage one of the story is in the background, and stage two of the story is in the foreground - but it is the same fisherman, so the person who colored the image probably should not have made the hats two different colors!

---

M0849 Perry011

Illustrated: Puella Superba

950. Puella Superba. Puella superba sperabat sponsum iuvenem, scitum, venustum, elegantem, nec frigidum; insuper divitem, nobilem, et ingeniosum. Accedunt proci insignes; hos minoris facit puella. “Mene,” inquit, “hoc vile genus! Delirant! Me pudet!” Huius ingenio deerant gratiae; illi nasus turpis. Modo hoc, modo illud arguitur. Exactis divitibus, prodeunt mediocris fortunae viri. Illa deridet. “Benigna sum,” inquit, “quae aequo animo excipio tales. Existimant me angi multum ut nubam; verum caelibem hilaremque vitam dego.” Dum puella his dictis sibi indulget, forma deteritur annis; amatores abeunt. Unus et alter effluit annus; advolat aegritudo animi. Quotidie elapsos sensit risus, iocos, deinde amores. Muta voce quoties aiebat speculum: “Viro nubere propera.” Praeter omnium exspectationem, haec nupsit tandem ignobili imbecillique viro, quem vix captare potuit suis artibus.

---

Click here for a SLIDESHOW of all the Grandville images.

---

M0950 (not in Perry)