Monday, August 23, 2010

Illustrated: Luscinia et Sagittarius


M0542 - M0543 - M0544
543. Luscinia et Sagittarius. Sagittarius lusciniam capit sed luscinia ait, “Si me occideris, nequaquam tuum ventrem implere valebis; sed, si me dimittere velles, tria tibi mandata darem utilissima.” Ille vero promisit quod eam dimitteret, et illa ait, “Numquam rem, quae apprehendi non potest, apprehendere studeas; de re perdita numquam doleas; verbum incredibile numquam credas.” Ille, ut promiserat, eam dimisit. Luscinia igitur dixit, “Vae tibi! Est enim in visceribus meis margarita quae struthionis ovum sua vincit magnitudine.” Ille, contristatus, eam apprehendere conebatur. Et luscinia, “Nunc pro certo cognovi te fatuum esse, quia de me perdita doles, et me temptasti capere cum nequeas apprehendere, et insuper margaritam tam grandem in visceribus meis esse credidisti, cum ego tota ad magnitudinem ovi struthionis non valeam pertingere.”

Aviculae et Tria Vera

Click here for a SLIDESHOW of all the colored Steinhowel images. When you see the tiny bird in the image, you realize how foolish the man was to think that the bird could contain a pearl as large as an ostrich egg!
M0543 = Perry627. Source: Odo, Fable 77 (shortened). This is Perry 627. For another story of “three true things,” see #72 or #74.

No comments:

Post a Comment