Monday, October 11, 2010

Image: Vulpes et Maeander Fluvius


M0041 - M0042 - M0043
42. Vulpes et Maeander Fluvius. Vulpes ad Maeandrum fluvium aliquando, ut ex eo potarent, convenere sed, cum magno impetu flueret aqua, mutuo sese compellentes, ingredi non audebant. Quo viso, illarum una, in medium prodiens, ut ceteras simul contemneret earumque timorem irrideret et se prae cunctis animosam ostenderet, audacter in undas desilivit. Aquarum vero impetu eam in medium proripiente, ceterae in ripa stantes, sic eam sunt allocutae, “Ne nos derelinquas, sed reversa demonstra, qua ingressis tuto liceat bibere.” At illa, dum ab undis raperetur, “Responsum,” ait, “mihi est Miletum deferendum; id eo ferre volo; cum revertar, introitum vobis demonstrabo.” In eos, qui per iactantiam sibi ipsis creant pericula, est haec fabula.


Image Source: Meander River (Büyük Menderes River).

M0042 = Perry232. Source: De Furia 264. This is Perry 232. We get the word “meander” from the proverbially wandering course of the Meander River; Miletus was a Greek city near the mouth of the Meander. Compare the fable of the runaway horse, #265.

No comments:

Post a Comment